Қарағандыда полицейлер жоғалған балаларды іздеп тапты

Қарағандыда полиция жоғалған балаларды іздеп тапты, деп хабарлады Elordainfo.kz Polisia.kz-ке сілтеме жасап.

Сенбілік кешкілік уақыт полиция қызметкерлері үшін алаңдатарлық қоңыраудан басталды. Екі кішкентай бала – төрт жасар ұл және бір жасар қыз өз үйінің ауласынан жоғалып кеткен. Балалардың анасы оларды бірден таба алмады. Санаулы минуттарда балалардың сыртқы келбеті мен фотосуреттері бар бағдар барлық бөлімшеге таратылды. Іздеуге тек полиция қызметкерлері ғана емес, қиын сәтте көмек қолын созуға дайын жанашыр еріктілер де қосылды. Әркім уақыттың оларға қарсы жұмыс істейтінін және әрбір кідіріс қайғылы салдарға әкелуі мүмкін екенін түсінді. Іздеу жұмыстары түнге дейін созылды. Түн ортасында полиция қызметкерлері балаларды үйден алыс жерден тапты. Олар – аман-есен. Кейін медициналық тексеруден өткен соң  олардың денсаулығына ешқандай қауіп жоқ екеніне көз жеткізіп, балаларды анасына қайтарды.