Алматы облысында қара нарықтағы құны 150 млн теңгеден асатын есірткі тәркіленді

Алматы облысында қара нарықтағы құны 150 млн теңгеден асатын есірткі тәркіленді

Алматы қаласына жақын орналасқан жеке үйлердің бірінде психотроптық заттар шығаратын зертхана анықталды. 

«1995 жылы туған Қазақстан азаматы есірткі дайындау үстінде қолға түсті. Тінту барысында 40 мың бір реттік дозаға тең 8 кг артық «мефедрон» психотроптық заты, сондай-ақ оларды дайындайтын құрылғы мен компоненттері алынды», - деді ҰҚК баспасөз қызметі.

Анықталған есірткінің «қара» нарықтағы алдын ала құны 150 млн теңгеден асады. Қылмыстық кодекстің 297-бабы 3-бөлігі бойынша сотқа дейінгі тергеп-тексеру жүргізілуде. Қылмыстық-процестік Кодекстің 201-бабы 1-бөлігіне сәйкес өзге ақпарат жария етуге жатпайды.