Биыл шетелден әкелінген 69 мың көлік заңдастырылды

Осы жылдың 23 қаңтар мен 26 наурыз аралығында шетелден әкелінген 69 мыңнан астам көлік заңдастырылды. Бұл туралы ІІМ Әкімшілік полиция комитетінің төрағасы Қайсар Сұлтанбаев айтты, деп хабарлады Elorda.info.

Өтініштер барлық Халыққа қызмет көрсету орталықтарында және электрондық сервис арқылы қабылданады, сондай-ақ азаматтарға арналған электрондық үкімет порталында және екінші деңгейдегі банктердің мобильді қосымшаларында қолжетімді.Осы жылдың 23 қаңтар мен 26 наурыз аралығында 69 мыңнан астам көлік құралы заңдастырылды, оның ішінде 67% (46 592) Ресей Федерациясынан, 19% (13 424) - Армениядан, шамамен 10% (6 788) - Қырғызстаннан, шамамен 2% (1 296) – Грузиядан, - деді Қайсар Сұлтанбаев.