Бүгін де аязды ауа райы сақталады

Синоптиктер республика бойынша 11 қаңтарға арналған ауа райы болжамын ұсынды, деп хабарлады Elorda.info.

Оқи отырыңыз: Өткен тәулікте елордада 2 адамды үсік шалып, 106 адам көше жарақатын алды

Ел аумағының басым бөлігінде Арктикалық антициклонның әсерінен жауын-шашынсыз аязды ауа-райы сақталады.

Республиканың оңтүстігінде, оңтүстік-шығысында, шығысында, солтүстігінде атмосфералық фронтальды бөлімдердің өтуімен қар өтеді, республиканың оңтүстігінде, оңтүстік-шығысында, таулы аудандарында кей уақыттарда қатты қар, желдің күшеюі, бұрқасын, көктайғақ күтіледі. Республика бойынша тұман күтіледі.

Түнде Ақтөбе облысының солтүстігінде өте қатты аяз күтіледі - 40-41 градус, Маңғыстау облысында өте қатты аяз 25 градус сақталады, Ақмола облысында қатты аяз 40 градус, Қарағанды облысында – қатты аяз 35-38 градус, Ақтөбе облысында – қатты аяз 35-36 градус, Атырау облысында - қатты аяз 30 градус, Түркістан облысының солтүстігінде қатты аяз 25-27 градус, Жетісу облысының солтүстігінде, таулы аудандарында қатты аяз - 25 градус.