Қар, көктайғақ, боран: Сейсенбіге арналған ауа райы болжамы

Синоптиктер 20 желтоқсанға арналған ауа райы болжамын ұсынды, деп хабарлады Elorda.info.

«Қазгидромет» РМК мәліметі бойынша, атмосфералық фронтальды учаскелердің өтуімен республиканың басым бөлігінде жауын-шашын сақталады, негізінен қар, көктайғақ, боран күтіледі.

Қызылорда облысының солтүстігінде көктайғақ болады.

Астана қаласында оңтүстік-батыстан жел соғады, түнде екпіні 15-20 м/с жетеді.

Ақмола облысының солтүстігінде, батысында жаяу бұрқасын, көктайғақ күтіледі. Оңтүстік-батыстан жел соғады. Облыстың солтүстігінде, батысында жел 23-28 м/с жылдамдықпен соғады.

Атырау облысының шығысында, оңтүстігінде көктайғақ болжанады.

Ақтөбе облысының оңтүстік-батысында, орталығында көктайғақ болады. Түнде облыстың солтүстігінде, шығысында, күндіз оңтүстігінде, орталығында жаяу бұрқасын болады.

Маңғыстау облысының басым бөлігінде жауын-шашын (жаңбыр, қар) болып, тұман, көктайғақ күтіледі. Солтүстік-батыстан жел соғады, облыстың батысында жел 15-20 м/с жетеді.

Түркістан облысының оңтүстігінде, таулы аудандарында тұман күтіледі. Оңтүстік-шығыстан оңтүстік-батысқа ауысатын жел соғады, облыстың солтүстігінде, таулы аудандарында желдің күші 15-20 м/с.

Батыс Қазақстан облысының солтүстігінде, шығысында көктайғақ болады.

Солтүстік Қазақстан облысының түнде басым бөлігінде жауын-шашын (көбінесе қар). Облыстың солтүстігінде, шығысында, оңтүстігінде жаяу бұрқасын, көктайғақ күтіледі.

Абай облысының солтүстігінде, орталағында жаяу бұрқасын соғады. Жел оңтүстік-шығыстан соғады, облыстың солтүстігінде, орталығында 15-20, күндіз екпіні 23 м/с.

Қостанай облысының басым бөлігінде жауын-шашын (қар, жаңбыр), облыстың солтүстігінде, шығысында қалың қар жауады. Облыстың солтүстігінде, шығысында көктайғақ, жаяу бұрқасын күтіледі. Облыстың батысында тұман. Оңтүстік-батыстан соғатын жел солтүстік-батысқа ауысады, түнде 15-20, екпіні 23 м/с, күндіз облыстың шығысында екпіні 15-20 м/с.

Павлодар облысының солтүстігінде, солтүстік-батысында жаяу бұрқасын соғып, көктайғақ күтіледі. Оңтүстік-батыстан жел соғады, облыстың солтүстігінде, батысында 15-20 м/с, облыстың батысында екпіні 25 м/с күтіледі.