«34 градус аяз»: Демалыс күндерге арналған ауа райы

Синоптиктер еліміз бойынша алдағы үш күнге, 3-5 желтоқсанға арналған ауа айы болжамын жариялады, деп хабарлады Elorda.info. 

Қазақстанның басым бөлігінде атмосфералық фронттардың өтуімен ауа райы тұрақсыз болып, қар жауады. Тек елдің батысында ауа райы негізінен жауын-шашынсыз болады. Республиканың солтүстік-батысында, солтүстігінде, шығысында және орталығында бұрқасын болып, жел күшейеді, оңтүстік және оңтүстік-шығысында тұман болады. 

Түнде батыста ауа температурасы 10-22 аяз, оңтүстік-батыста 3-15 аяз, солтүстік-батыс және солтүстікте 20-30 аяз, орталықта 13-22-ден 20-30 аязға дейін төмендейді, еліміздің шығысында 25-34 аяз, республиканың оңтүстігінде, оңтүстік-шығысында 5-15, таулы аудандарда 15-20 аяз болады.