ҰҚК экс-басшысы Кәрім Мәсімов соты жабық өтеді

ашық дереккөз

Мәжіліс кулуарында Жоғарғы сот өкілі ҰҚК экс-басшысының соты жабық өтетінін растады, деп хабарлады Elorda.info inbusiness.kz-ке сілтеме жасап.

Оның айтуынша, бұл істің жай-жапсары Парламент шешімімен ғана жария етілуі мүмкін.

Бұл заңмен реттелуі керек. Біз тек заң аясында жұмыс істейміз. Кез келген мемлекетте ұлттық қауіпсіздікті қорғау деген түсінік бар. Соған сәйкес мемлекет кейбір ақпаратты құпияда ұстауға құқылы. Қазір бұл істер құпия және құпия болып қала бермек. Кей ақпараттар жарияланады деп ойлаймын. Өйткені мемлекет оған қолжетімділікті қамтамасыз етуі керек, – деді тілшілердің сауалдарына жауап берген қылмыстық істер жөніндегі сот алқасының төрағасы Әбдірашид Жүкенов.