Жаңбыр, қар жауып, көктайғақ болады: жұмаға арналған ауа райы

Синоптиктер  бүгінге арналған ауа райы болжамын ұсынды, деп хабарлады Elorda.info.

«Қазгидромет» РМК мәліметінше, еліміздің шығысында жаңбыр, қар жауып, көктайғақ болады. Тек республиканың оңтүстік-шығысында ауа райы жауын-шашынсыз. Қазақстанда жел күшейеді, республиканың батысында, солтүстік-батысында тұман сақталады.

Астанада көшпелі бұлт болып,түнде аздап жаңбыр жауады.. Оңтүстік-батыстан екпіні 9-14 м/с болатын жел соғады. Ауа температурасы түнде 4-6, күндіз 13-15 жылы.

Ал Алматыда көшпелі бұлт болады. Жел екпіні - 2-7 м/с. Ауа температурасы түнде 1-3, күндіз 17-19 жылы.

Сондай-ақ Шымкентте де көшпелі бұлт болады. Оңтүстік-шығыстан, оңтүстіктен екпіні 8-13 м/с болатын жел соғады. Ауа температурасы түнде 3-5, күндіз 21-23 жылы.