Қытайлықтар жұмыртқаны қолдан жасайтыны рас па (ВИДЕО)

Қазнет қолданушылары Қытай адамдар жейтін жұмыртқаны бұрыннан қолдан және көп мөлшерде жасап келетінін талқылауда, деп хабарлады Elorda.info.

Stopfake.kz мәліметінше, қолдан жасалған жұмыртқалар туралы қауесет желіде 2017 жылы таралған. Фактчекерлер роликті бірнеше рет жоққа шығарды. The Observers порталы видеода жұмыртқа емес, балалар ойыншығы – слайм жасау процесі екенін анықтады.
Үндістанның азық-түлік қауіпсіздігі және стандарттары басқармасының ресми сайтында жарияланған ақпаратқа сәйкес, бүгінгі күні қолдан жұмыртқа жасау технологиясы шығарылмаған. Оның үстіне, бұл әдісті әзірлеу де қажет емес, өйткені әлемде жұмыртқа тапшылығы жоқ және олар сатып алушыларға қолайлы бағамен қол жетімді.