11 қазанда қай өңірде нөсер жаңбыр жауады

Синоптиктер 11 қазанға арналған ауа райы болжамын ұсынды, деп хабарлады Elorda.info.

Елдің басым бөлігінде ауа райы жауын-шашынсыз болады деп болжанып отыр.

Тек еліміздің батыс облыстарының ауа райын Қара теңізден келетін циклон анықтайды. Соның әсерінен найзағай ойнайды, - делінген «Қазгидромет» РМК хабарламасында.

Республика бойынша жел күшейеді. Оңтүстікте, оңтүстік-батыста шаңды дауыл соғады. Шығыста және оңтүстік-шығыстың таулы аймақтарында тұман болады.

Түркістан облысының солтүстігінде түнде топырақ бетінде 2 градус аяз сақталады.

Астанада көшпелі бұлт шығады, жауын-шашын жаумайды. Оңтүстік-батыстан 3-8 м/с жел соғады. Ауа температурасы түнде 0-2, күндіз 15-17 градус жылы.

Алматыда көшпелі бұлт шығады, жауын-шашын жаумайды. Жел екпіні – 2-7 м/с. Ауа температурасы түнде 2-4, күндіз 16-18 градус жылы.

Шымкентте көшпелі бұлт шығады, жауын-шашын жаумайды. Шығыстан соғатын жел екпіні – 8-13 м/с. Ауа температурасы түнде 6-8, күндіз 22-24 градус жылы.