Қазақстанда қар жауып, күн суытады

ашық дереккөз

«Қазгидромет» 13-15 қыркүйек күндеріне арналған ауа райы болжамын жариялады, деп хабарлады Elorda.info.

Синоптиктердің мәліметінше, солтүстік-батыс суық антициклоны еліміздің солтүстік жартысына әсер етеді. Дауыл соғады.

Республиканың батыс, солтүстік-батыс, шығыс, оңтүстік-шығысында атмосфералық фронтальды бөліктердің өтуіне байланысты жаңбыр жауады. Оңтүстік-шығыстың таулы аймақтарында жаңбырдан соң көктайғақ болуы мүмкін.

14-15 қыркүйекте Қазақстанның шығысында нөсер жаңбыр жауады. Таулы аймақта қар аралас жаңбыр жаууы ықтимал.

15 қыркүйекте түнде еліміздің солтүстік, солтүстік-батыс, орталық, шығыс, оңтүстік-шығыстың таулы аймақтарында -3°С дейін аяз болуы мүмкін.