Диетолог ұйқы келтіретін тағамдарды атады

Сода және басқа да қантты сусындар қандағы қант деңгейінің тез көтерілуіне, содан кейін бірден төмендеуіне алып келеді. Қант деңгейінің бұл ауытқуы энергияға теріс әсер етуі мүмкін, – деді диетолог Лиза Янг.

Маман газдалған судың орнына қарапайым cуды немесе газдалған минералды суды ішуді ұсынады.

Сондай-ақ тәттілер қандағы қант деңгейінің жоғарылауына алып келеді және әлсіздік тудырады.

Қандағы қанттың тез төмендеуінің әсерінен адамдар босаңсуды сезініп, жалпы жағдайы нашарлай түседі, – деді «Алғаш рет ана атанғандар үшін аспаздық кітабының» авторы Лорен Манакер.

Оның айтуынша, қантты көп жеген сайын, ұйқыңыз жиілей түседі. Маман тазартылған жарма негізіндегі тұтас емес астық өнімдері де қауіпті дейді.

Ақ нан мен макарон өнімдері сияқты тазартылған дәндер энергияның төмен деңгейіне алып келуі мүмкін. Ол тез сіңеді, бұл қандағы қант деңгейінің күрт жоғарылауына, содан кейін төмендеуіне алып келеді, – деп түсіндірді Лиза Янг.

Диетологтар қуырылған тауық етінен де бас тартуға кеңес береді.

Бұл, әрине, дәмді тағам, бірақ оны жегеннен кейін адамдар ағзаның босаңсуын, әлсіздікті сезінеді. Қуырылған тауық еті сияқты тағамдарды қорыту қиын және олар ауыр болып саналады. Май мен тұздың қосындысы ауырлық сезімін тудырады және энергияны төмендетеді, -  деді Манакер.