Алкоголь өніміне салынатын акциздерге бірқатар өзгеріс енгізілді

Мемлекеттік кірістер комитетінің мәліметінше, Салық кодексінің 475-бабы 4-тармағына есепке алу-бақылау маркаларымен таңбаланатын алкоголь өніміне (толысылған шарапты және сыра қайнату өнімдерінен басқа) акциз төлеу мерзімі бойынша өзгерістер енгізілген.

Осыған байланысты алкоголь өнімін өндірушілер есепке алу-бақылау маркаларымен таңбаланатын толысылған шарапты және сыра қайнату өнімін қоспағанда, алкоголь өніміне акциз салығын өз таңдауы бойынша төмендегі мерзімнің бірінде төлеуі қажет:

• есепке алу-бақылау таңбаларын алғанға дейін;
• Салық кодексінің 172-бабына сәйкес есепке алу-бақылау маркаларын нысаналы пайдалану туралы міндеттеме ұсынылған жағдайда акцизделетін тауарларды тиеп-жөнелту (беру) күніне дейін. 

Сондай-ақ Салық кодексінің 172-бабының 7-14-тармақтарына енгізілген өзгерістеге сәйкес алкоголь өнімін өндіруді жүзеге асыратын тұлға, есепке алу-бақылау маркаларын мақсатты пайдалану туралы міндеттемелерді және есепті ұсынады.

Салық кодексінің 463-бабының 4-тармағына өзгерістер мен толықтырулар енгізілді, онда алкоголь өнімі түрлерінің өзгеруі, атап айтқанда "шарап материалы" ұғымы "толысылған шарапқа", ал "сыра және сыра сусыны" ұғымы "сыра қайнату өнімімен" ауыстырылды, - деп жазылған хабарламада.

Бүгінде бұйрық жобасы мемлекеттік органдардың қарауында.