Жаңа штамға байланысты Pfizer мен Moderna өз вакциналарының құрамын жаңартады

Жақында пайда болған омикрон штамы коронавирустың ең жұқпалы түрі саналады. Кейбіреулер бұл қазіргі COVID-19-ға қарсы вакциналардың қорғанысын бұзып өтуі мүмкін деп алаңдауда.

АҚШ-тағы ең көп таралған екі вакцинаны шығаруға жауапты Pfizer фармацевтикалық компаниясы, BioNTech және Moderna вакциналары бойынша серіктестері қажет болған жағдайда жаңа омикрон нұсқасынан қорғауды қамтамасыз ету үшін вакциналар құрамын тез жаңарта алатынын мәлімдеді.

Бұл ауру нұсқасы АҚШ-та әлі анықталмаса да, коронавирустың жаңа штамы Африка мен Еуропаның көптеген елінде анықталып қойған, бұған АҚШ шенеуніктер асқан дайындықпен әрекет ететіні айтылады.

"Moderna, BioNTech және Pfizer бізге мұны мұқият қадағалап отырғанын және қажет болған жағдайда вакциналарды тез жаңарта алатынын хабарлады", - деді CNBC журналисі Мэг Тирелл.

Moderna жаңа штамға қарсы тиімді вакциналардың клиникалық сынақтарын 60 күн ішінде бастауы мүмкін екенін хабарлапты.

Сондай-ақ, Pfizer қажет болған жағдайда алты апта ішінде мРНҚ вакцинасын бейімдей алатыны және қажет болған жағдайда өнімді 100 күн ішінде жібере алатыны айтылады.

"Екі апта ішінде BioNTech зертханалық мәліметтері бұл нұсқа вакциналардың қорғауын бұза ала ма әлде жоқ па деген сұраққа жауап береді", - деді ол.

АҚШ-тың Ауруларды бақылау және алдын алу орталықтары (CDC) жариялаған мәліметтерге сәйкес, 108 миллионнан астам америкалыққа Pfizer/BioNTech вакцинасы, ал 71,5 миллионға Moderna вакцинасы салынған.

Johnson & Johnson, АҚШ-та қолжетімді үшінші вакцина өндірушілері де вакцинаның жаңа нұсқаға қарсы тиімділігін тексеріп жатқанын хабарлапты. CDC мәліметтері бойынша, J&J вакцинасымен 16 миллионға жуық америкалық иммундалыпты.