Ринат Зайытов мәдениет саласы қызметкерлерінің жалақысын өсіру мәселесін көтерді

Amanat партиясы фракциясының мүшесі Ринат Зайытов Премьер-министрдің орынбасары Алтай Көлгіновке депутаттық сауал жолдады, деп хабарлады Elorda.info.

Ол ел аумағында 56 театр, 20 филармония, 267 мұражай және 3 891 кітапхана жұмыс істеп тұрғанын алға тартты. Сондай-ақ, мәдениет саласының қызметкерлері тек қана сахнада өнер көрсететін тұлғалар емес, олардың жағдайын жасап отырған сахна сыртындағы еңбек адамдары да екенін жеткізді. Бұл ретте, депутат жалақының аздығы білікті мамандардың жұмыстан кетуіне және мәдени ошақтар жұмысының әлсіреуіне алып келіп жатқанын атап өтті. 

Мәдениет, архив және кітапхана қызметкерлерінің коэффиценттерін өзгертіп, жалақыларын өсірулеріңізді сұраймын, - деді ол өз сауалында.