Қазақстандықтар сүт өнімдерін азырақ тұтына бастады

Қазақстанда сүт өнімдерінің өндірісі бір жылда 1,2 пайызға өсті, деп хабарлады Elorda.info.

Еnergyprom.kz мәліметіне сүйенсек, әр түрлі өнім тобын өндіру қарқыны әрқалай. Мәселен, 2023 жылдың қаңтар-ақпан айларында өңделген сұйық сүт пен кілегей өндірісі 97,3 мың тоннаны құрады, бұл өткен жылдың сәйкес кезеңімен салыстырғанда 2,2%-ға артық. Сондай-ақ сары май мен спред өндірісі де бірден 29,6%-ға өсіп, 4,5 мың тоннаны құрады. Бұл ретте ірімшік пен сүзбе өндірісі, керісінше, 1,7 пайызға төмендеп, 5,8 мың тоннаны құраған. Қатты күйдегі сүт өндірісі де, бірден 2,3 есеге, 509 тоннаға дейін, сондай-ақ йогурттар, қоюландырылған сүт және т.б. сияқты сүт өнімдерін өндіру (1,3%-ға, 40,9 мың тоннаға дейін) қысқарған.

Жалпы, 2022 жылғы қаңтар-желтоқсанда 573,3 мың тонна өңделген сұйық сүт пен кілегей өндірілді, бұл 2021 жылдың сәйкес кезеңімен салыстырғанда 6,2%-ға аз*. Сары май мен спред 24,9 мың тоннаға, бір жыл бұрынғыдан 8,6%-ға аз, ірімшік пен сүзбе – 36,8 мың тоннаға (0,5%-ға аз) өндірілді, бірақ қатты күйдегі сүт өндірісі 18,3%-ға, яғни 8,1 мың тоннаға дейін өсті. 2022 жылғы қаңтар-желтоқсанда басқа сүт өнімдерін өндіру 3,9%-ға, 253 мың тоннаға дейін төмендеді, - дейді сарапшылар.

2022 жылғы қаңтар-желтоқсанда Қазақстанда сүт және сүт өнімдерін тұтынудың орташа мөлшері жан басына шаққанда 226 кг құрады, бұл 2021 жылмен салыстырғанда 7,1%-ға аз.

Сүт пен сүт өнімдерін жақсы көретіндер негізінен Ақмола облысында тұрады: мұнда сүтті тұтыну жылына жан басына шаққанда 267,1 кг өнімді құрайды. Одан кейінгі орында Астана мен Алматы тұр: бұл өңірлерде жан басына шаққанда 259 және 253,7 кг-нан келеді. Ең төменгі көрсеткіш Шымкент пен Қызылорда облысында тіркелді: бұл өңірдерде жылына жан басына шаққанда 138,1 және 183,8 кг сүт өнімдері тұтынылады.

2023 жылдың наурыз айының соңында сүт өнімдері бір жыл ішінде 29,1%-ға қымбаттады. Баға әсіресе Маңғыстау облысында: 41,8%-ға өсті. Одан кейінгі орындарда Қызылорда облысы (33,7%) және Астана (32,4%) тұр. Ал Ақмола (22,9%-ға) және Ұлытау (25,1%-ға) облыстарында, сондай-ақ Алматыда (25,2%-ға) сүт өнімдері көп қымбаттамаған, - дейді мамандар.