Елімізде қоқыс шығару қызметі де қымбаттады

Қазан айы бойынша Қазақстанда қоқыс шығару қызметінің тариф құны анықталды, деп хабарлады Elorda.info Ұлттық статистика бюросына сілтеме жасап.

Биыл қазан айында Қазақстан бойынша қоқыс шығару қызметі үшін бір адамға орташа тариф 322 теңгені құрады.

Бұл қызметтің құны өңірлер арасында 94-553 теңге аралығында. Мәселен, қоқысты шығару үшін Алматы қаласының тұрғындары 553 теңге төлейді, тариф сондай-ақ Семей қаласында қымбат – 470 теңге, үштікті Қостанай қаласы қорытындылайды – 401 теңге. Қоқысты шығару қызметі үшін ең төменгі тариф Тараз қаласында тіркелген - 94 теңге, - делінген ведомствоның баспасөз қызметі.

Өткен жылдың қазан айымен салыстырғанда биыл тариф 13,6%-ға қымбаттаған.