Елімізде балық өнімдері бір жылда 15%-ға қымбаттады

ашық дереккөз

Қаңтар-тамыз айларында елімізде 30,9 мың тонна балық өндірілді, деп хабарлады Elorda.info Energyprom.kz-ке сілтеме жасап.

Биыл қаңтар-шілде айларының қорытындысы бойынша жергілікті компаниялар балқы өнімдеріне сұранысты 53,1%-ға қамтамасыз етті. Елге 28,7 мың тонна өнім импортталды — бұл өткен жылмен салыстырғанда 1,8%-ға көп. Ал елімізден балықтың 20,4 пайызы экспортқа жіберілді.

Ішкі нарықта сату 48,7 мың тоннаны құрады. Бір жыл ішінде көрсеткіш іс жүзінде өзгерген жоқ. Қыркүйек айының қорытындысы бойынша балық бір жылда 15%-ға қымбаттады.

Өңірлік бөліністе балық бағасының өсуін Павлодар (44,7%-ға), Қостанай (24,7% -ға) және Маңғыстау (24% -ға) облыстарының тұрғындары қатты сезінді.