Елімізде заңсыз мигранттар қай өңірде көп

Сарапшылар мәлім еткендей, 2022 жылдың 8 айында елімізде заңсыз көші-қон бойынша 66 қылмыстық іс қозғалған. Бұл бір жыл бұрынғыдан 20 пайызға аз, деп хабарлады Elorda.info Finprom.kz порталына сілтеме жасап.

Елімізде құқық бұзушылар саны бір жылда 18,6%-ға, яғни 48 адамға дейін азайған.

Сарапшылар көші-қонды заңсыз ұйымдастыру фактілерінің басым бөлігі Жамбыл облысында (17 құқық бұзушылық) анықталғанын мәлімдеді. Одан кейінгі орындарда 11 жағдай тіркелген Алматы қаласы мен 9 жағдай анықталған Түркістан облысы тұр.

Сондай-ақ Ақмола облысы мен Астанада құқық бұзушылық фактілері аз тіркелген: әрқайсысында бір ғана жағдайдан анықталған.

Жаңадан құрылған үш облыста (Абай, Жетісу және Ұлытау), сондай-ақ Солтүстік Қазақстан, Қызылорда, Қарағанды ​​және Шығыс Қазақстан облыстарында бірде-бір жағдай тіркелмеген, – дейді сарапшылар.

Қылмыстық құқық бұзушылықтар санының айтарлықтай төмендеуіне қарамастан, бір жыл ішінде әкімшілік құқық бұзушылықтар саны бірден 2,1 есеге өскен (48,6 мың іске дейін).

47,3 мың адамға қатысты әкімшілік жауапкершілікке тарту туралы қаулы шығарылды. Соның ішінде:

• 28,7 мың адамға ескерту жасалды;
• 12,9 мыңға әкімшілік айыппұл салынды;
• 2,6 мың адам әкімшілік қамауға алынды;

Қазақстаннан 3,2 мың шетелдік немесе азаматтығы жоқ адам шығарылды.