Елорда базарларында күнбағыс майы қанша тұрады

Күнбағыс майы қолжетімді әрі пайдалы майлардың қатарына кіреді. Оның құрамындағы дәрумендер мен минералдар адам денсаулығына өте қажетті. Дегенмен қазір тұтынушылар күнбағыс майын аз тұтыну қажет деген пікірді білдіреді.  Бірақ оның тері жағдайын жақсартуға, ағзадағы артық холестеринді шығаруға көмектесетінін ұмытпаған жөн. Майдың құрамында кішкентай балалардың өсуіне де қажетті дәрумендер бар. Ол сүйектің берік болуына және асқорыту жүйесінің жұмысына әсер етеді. Тек күнбағыс майын күнделікті шекті мөлшерде дұрыс тұтынуды ұмытпау қажет.

Елордада күнделікті тағамға қолданатын күнбағыс майының арзан бағасы «Шапағат» базарында кездеседі. Оның бір литрі 730 теңге тұрады. Ал «Астаналық» базарда бір литрі 950 теңгеден сатылып жатыр.