АҚШ Әскери-әуе күштері Қытаймен соғыс болатынын болжап отыр

АҚШ әскери-әуе күштері генералы 2025 жылы Қытаймен соғыс болады деп сезінетінімен бөлісті, деп хабарлады Elorda.info.

Orda.kz сайтының жазуынша, АҚШ Әскери-әуе күштерінің генералы Майк Минихан қол астындағыларға жолдаған жазбасында АҚШ екі жылдан кейін Қытаймен соғысады деп болжаған. NBC арнасының хабарлауынша, Минихан Қытай билігі 2024 жылы АҚШ-тағы президенттік сайлауды пайдалана алады, ал Президент Си Цзиньпин Тайваньға көшу мүмкіндігіне ие болады деп есептейді.

Мен қателесемін деп үміттенемін. Түйсік маған 2025 жылы күресетінімізді айтады, – деп жазылған телеарнаға жіберілген құжат үзіндісінде.

Минихан қоластындағыларды ақпан айының соңына дейін Қытаймен соғысуға дайындық шаралары туралы есеп беруге шақырды. Сонымен қатар жазбаның шынайылығын АҚШ Әуе күштері көлік қолбасшылығы өкілдерінің бірі растады.

Бұл генерал Миниханның өзіне бағынышты командалық топтарға жолдаған шынайы ішкі жазбасы. Оның бұйрығы Әуе мобильділігі қолбасшылығының жылжымалы Әуе күштерін болашақ қақтығысқа дайындау бойынша өткен жылғы іргелі күш-жігеріне негізделген, – делінген құжатта.

Еске сала кетейік, Тайвань – 1949 жылдан бері өз әкімшілігі басқаратын ең үлкен арал. Бейжің Қытай провинцияларының бірінің аумағы есептесе де. Арал төңірегіндегі шиеленіс 2022 жылдың тамызында Өкілдер палатасының сол кездегі спикері Нэнси Пелосидің Тайбэйге сапарынан кейін күшейе түсті. Сапар аяқталғаннан кейін келесі күні Қытай Халық азаттық армиясы арал суларының алты аймағында ауқымды зымырандық маневрлер бастады.