Тәуелсіздік күніне орай конкурдан қалалық чемпионат өтеді

Астанада 14 желтоқсанда Тәуелсіздік күніне орай конкурдан қалалық чемпионат өтеді, деп хабарлады Elordainfo.kz қалалық әкімдіктің ресми сайтына сілтеме жасап.

Іс-шара Астана қаласы әкімдігінің қолдауымен және қалалық Ұлттық және олимпиадалық ат спорты түрлері федерациясының ұйымдастыруымен өтеді.

Турнир қатысушылары алты маршрут бойынша сынға түседі.

№1 маршрут «Ашық санаты» (6 жастан асқан). 120 см-ге дейінгі кедергілердің биіктігі (секірумен).

№2 маршрут «Балалар санаты» (12 жастан 14 жасқа дейін қоса алғанда). Кедергі биіктігі – 100 см (секірумен).

№3 маршрут «Ашық санаты» кедергі биіктігі 100 см-ге дейін (екі фаза) 12 жастан асқан шабандоздар, 5 жастан асқан аттар.

№4 маршрут «ҚР Тәуелсіздік күніне арналған кубок» 130 см-ге дейін биіктігі (секірумен) 16 жастан асқан шабандоздар, 6 жастан асқан аттар.

№5 маршрут «Ашық санаты». Биіктігі 110 см-ге дейін (екі фаза), 15 жастан асқан шабандоздар, 5 жастан асқан аттар.

№6 маршрут «4 жастағы жас аттар категориясы». Биіктігі 80 см-ге дейін (секірумен) 16 жастан асқан шабандоздар.

Жарыстың жалпы жүлде қоры 12 миллион теңгені құрайды. Турнир елордалық «Арғымақ» ат-спорттық сауықтыру кешенінде өтеді.

Айта кетейік, жарыс 14 желтоқсан күні сағат 10:00-де басталады. Жанкүйер қауым үшін кіру тегін.