Елордада алғаш рет Astana City Marathon өтті

Биыл марафон халықаралық спорт аренасындағы маңыздылығын көрсететін World Athletics Road Race Label санатындағы мәртебеге ие болды, деп хабарлайды Elordainfo.kz.

Astana City Marathon-ның ерекшелігі - көп бола бермейтін 42,2 шақырым, скандинавиялық жүріс, экиден, 10 шақырымды қамтыды. Өзге халықаралық марафондарға секілді 42,2 шақырым 1 ғана айналым болып, қатысушылар Экспо,  Түркістан, Амман, Байтұрсын сынды сол жағалаудан бастап, оң жағалауға дейінгі көшелердегі әсем ғимараттарға куә болды. Оның үстіне шараға Қазақстанның өзге өңірлерінен бөлек, БАӘ, Бельгия, Қытай, Испания, Франция, Ұлыбритания, Үндістан, Кения, Қырғызстан, Моңғолия, Жаңа Зеландия, Нидерланд Корольдігі, Ресей, Словения, Украина, АҚШ, Өзбекстан мемлекеттерінен де әуесқой спортшылар келді.

«Әлемдік деңгейдегі бәсекені ұйымдастыруға 1 жылдай уақыт кетті. Күн суық болса да, жүгірушілерге ешнәрсе тосқауыл болмай, 2300 қатысушы бас қосты. 18 елден де арнайы ат басын бұрғандар болды. Олар жүгіріс арқылы қаламыздың барлық дерлік әсем жерлеріне куә болды. Енді мұнымен тоқтап қалмай, дәстүрлі жарысқа айналдыруға ниетіміз бар», - деді жарыстың ұйымдастырушысы Павел Тенцер.

Ең ұзақ 42,2 шақырымда 73 қатысушы бақ сынап, ерлер арасындағы сайыс өте тартысты өтті. Себебі, 1 мен 2-орын алған спортшылардың арасын санаулы секундтар ғана шешті.

1-орын. Данияр Орманғали - 2:35:10

2-орын. Әмір Байтуканов - 2:35:24

3-орын. Аман Нұркелді - 2:36:58

Әйелдер.

1-орын. Флорида Миниянова - 2:57:17

2-орын. Әлия Тұранова - 3:11:27

3-орын. Мария Ахаева - 3:17:43

10 шақырым. Ерлер

1-орын. Рақымжан Келманов - 29:40

2-орын. Ахела Жианбиеке (Қытай) - 29:41

3-орын. Вадим Левченков - 30:03

Әйелдер.

1-орын. Айана Болатбекқызы - 36:52

2-орын. Ақбаян Нұрмамет - 36:58

3-орын. Виктория Сергеева - 37:34

Ескерту: Нақты тізім ертең ресми түрде шығатындықтан, өзгерістер болуы әбден мүмкін.

Марафондағы абсолютті біріншілікте

1 орын - 500 000 теңге 2 орын-400 000 теңге 3 орын – 300 000 теңге сыйақы берлісе, 10 км жүгіруде абсолютті біріншілікте жүлде қоры 1 орын - 150 000 теңге 2 орын-100 000 теңге 3 орын-50 000 теңгені құрады. Одан бөлек, жас ерекшеліктері мен өзге сайыстар да ақшалай жүлде қарастырылды.