Қазақстан мен Өзбекстан футболындағы ең қымбат трансферлер

Кеше Өзбекстан ұлттық құрамасының қорғаушысы Абдукодир Хусанов құны жағынан әлемдегі екінші клуб саналатын «Манчестер Ситиге» (1,21 млрд еуро) ресми түрде ауысты, деп хабарлады Elordainfo.kz.

20 жастағы ойыншы жаңа клубта 45-нөмірді таңдаған. Себебі ол 2022 жылы дәл осы нөмірмен алғаш рет Беларусь чемпионатында ересектер арасында дебют жасады.

«Манчестер Сити» тарихында 45-нөмірмен бұған дейін тек 4 қана футболшы (Майк Ричардс, Марио Балотелли, т.б.) доп тепкен.

2025 жылдың ең қымбат трансферлері:

1-орын. Хвича Кварацхелия («Наполиден» «ПСЖ-ға» ауысты) – 75 млн еуро;

2-орын. Абдукодир Хусанов («Ланстан» «Манчестер Ситиге» ауысты) – 40 млн еуро;

3-орын. Луис Энрике («Ботафогодан» «Зенитке» ауысты) – 33 млн еуро.

Қазақстан футбол тарихындағы ең қымбат трансферлер:

1-орын. 2011 жыл. Александр Меркель («Миланнан» «Дженоаға» ауысты) – 6,5 млн еуро;

2-орын. 2023 жыл. Бактиер Зайнутдинов («ЦСКА-дан» «Бешикташқа» ауысты) – 4,5 млн еуро;

3-орын. 2013 жыл. Александр Меркель («Дженоадан» «Удинезеге» ауысты) – 4 млн еуро.

Өзбекстан футбол тарихындағы ең қымбат ТОП-3 трансфер:

1-орын. 2025 жыл. Абдукодир Хусанов («Ланстан» «Манчестер Ситиге» ауысты) – 40 млн еуро;

2-орын. 2021 жыл. Елдор Шомуродов («Дженоадан» «Ромаға» ауысты) –19,60 млн еуро;

3-орын. 2020 жыл. Елдор Шомуродов («Ростовтан» «Дженоаға» ауысты) – 9,50 млн еуро.

Келесі рекорд қашан жаңарар екен?