Қазақстандық парашаңғышы әлем чемпионатының қола жүлдегері атанды

Ербол Хамитов әлем чемпионатында парабиатлоннан 7,5 қашықтықты 25:07,3 уақытта бағындырып, қола жүлдеге ие болды, деп хабарлады Elorda.info.

Жарыста канадалық спортшы Кэмерон Коллин 24:14,3 уақытта мәреге бірінші болып жетсе, АҚШ спортшысы Арон Пике 24:54,4 уақытымен екінші орынды еншіледі.

Айта кетсек, парашаңғы және парабиатлоннан әлем чемпионаты Швецияның Эстерсунд қаласында өтіп жатыр. Жарыста 18 мемлекеттен 102 спортшы өнер көрсетуде.

Қазақстан құрамасында 7 спортшы ел намысын қорғауда: Герлиц Александр, Хамитов Ербол, Петренко Денис, Усольцев Сергей, Березин Юрий, Зинов Денис және Әлімов Нұрлан.

Әлеуметтік желілерді бөлісіңіз