Қатар Әмірі Тоқаевты футболдан өтетін әлем чемпионатына шақырды

Қатар Әмірі шейх Тамим бен Хамад әл-Тани Қазақстан астанасына жасаған мемлекеттік сапары барысында Қасым-Жомарт Тоқаевты 2022 жылы өтетін футболдан әлем чемпионатын тамашалауға шақырды, деп хабарлады Elorda.info.

Әмір қараша айында Қатарда әлем чемпионаты басталатынын айтты. Ол Қазақстаннан келетін қонақтарға билет жіберілетінін атап өтті.

Президент Қасым-Жомарт Тоқаевты Әлем чемпионатына шақырамын. Ол кезде Қазақстанда сайлау өтетінін білемін. Бірақ уақыт тауып, чемпионатты тамашалайсыз деп сенемін, – деді Қатар Әмірі. 

Футболдан әлем чемпионаты 2022 жылғы 20 қараша мен 18 желтоқсан аралығында Қатарда өтеді.

Қатар Әмірі Астанаға 11 қазанда келді. 13 қазанда шейх Тамим бен Хамад Әл Тани Азиядағы өзара ықпалдастық және сенім шаралары кеңесінің VI саммитіне қатысады.