Компаниядан қомақты қаржы жымқырған қазақстандық Дубайда ұсталды

Фото: polisia.kz

2022 жылы Алматы қаласындағы жекеменшік компаниялардың бірінен 947 миллион теңге жымқырған күдікті Дубайда бой тасалап жүрген жерінен қолға түсті. Бұл туралы ҚР ІІМ мәлім етті, деп хабарлады Elordainfo.kz.

«Дубайда Қазақстан ІІМ Интерпол Ұлттық орталық бюросының сұрауы бойынша Қылмыстық кодекстің 189-бабында көзделген қылмысты жасағаны үшін (Аса ірі мөлшерде сеніп тапсырылған бөтен мүлікті иемденіп алу немесе талан-таражға салу) халықаралық іздеу жарияланған ер адам ұсталды. 2022 жылы күдікті адамдар тобымен алматылық ЖШС-лердің бірінен өзіне қарасты компанияның шотына қаражат аудару арқылы 947 миллион теңге жымқырған», - делінген хабарламада.

Қазіргі уақытта ер адам қамауда. Оны экстрадициялау мәселесі шешіліп жатыр.