Түркістан облысында тұрғындарды 20 млн теңгеге алдаған күдікті ұсталды

Фото: polisia.kz
Түркістан облысы Кентау қалалық полиция бөлімінің қызметкерлері алаяқтық қылмысына қатысы бар 39 жастағы әйелді қолға түсірді, деп хабарлады Elordainfo.kz.
Белгілі болғандай, күдікті әйел осыдан екі жыл бұрын ет сататын дүкеннің иесінен қарызға ет алып, ақысын бөліп төлеймін деп сендірген. Алайда арада жыл өтсе де ақшасын қайтармай із-түзсіз кеткен.
Тәртіп сақшылары жұмыссыз тұрғынның дәл осындай 5 алаяқтыққа қатысы бар екенін анықтады. Яғни оларды да сан соқтырып, қарызға жіліктеп ет алған. Айласын асырған әйел еттерді базарға апарып төмен бағада сатып, ақшасын жеке бас пайдасына жаратқан. Жәбірленушілерге 20 миллион теңге шығын келтірген.
Қазіргі таңда әйелдің ісі сотқа өтті.
Ұқсас жаңалықтар

Бүгін, 13:13
Қарағанды облысында дизель отынын ұрлау әрекеті әшкереленді

Бүгін, 12:17
Семей орталығында жүк көлігі шұңқырға түсіп кетті

Бүгін, 10:09
Заңсыз ойын бизнесін ұйымдастырған құқық қорғау органының бұрынғы қызметкері Түркиядан экстрадицияланды

14 қыркүйек, 2025
30 тонна шөп өртеніп кетті: ТЖМ шұғыл мәлімдеме жасады