Азиаданың алғашқы алтын жүлдесі: Рината Сұлтанова тасжол велоспортынан топ жарды

Қазақстандық велошабандоз Рината Сұлтанова ХХ жазғы Азия ойындарында әйелдер арасындағы тасжол велоспортынан жекелей жарыста алтын медаль жеңіп алды, деп хабарлайды Elordainfo.kz Туризм жəне спорт министрлігіне сілтеме жасап.

Бұл — Қазақстан құрамасының биылғы Азиададағы алғашқы алтын жүлдесі. Рината Сұлтанова алғашқы жарыс күнінде жеңіске жетіп, ұлттық құраманың алтын медальдар есебін ашты.

Жарыс қорытындысы:

1-орын — Рината Сұлтанова — 36:23.72 (Қазақстан)
2-орын — Чжан Хао — 36:28.40 (Қытай)
3-орын — Син Джиын — 36:56.14 (Корея)

Бұл — Рината Сұлтанованың екінші Азиадасы. Бұған дейін Ханчжоуда өткен Азия ойындарында ол жекелей уақытқа жарысудан қола медаль жеңіп алған болатын.

Бүгінде тасжолдағы велоспорт Қазақстанның 9 өңірінде дамытылып келеді. 

Рината Сұлтанованың жеңісі — Қазақстанның ХХ жазғы Азия ойындарындағы алғашқы алтын медалі.