Астанада ішімдік ішкен әскери қызметкер полицейді ұрған
23 қаңтар, 2025


Фото: freepik.com
Астанадағы түнгі клубтардың бірінің жанында әскери лейтенант полицейді ұрған, деп хабарлайды Elordainfo.kz.
«Криминальный Казахстан» Telegram-арнасының жазуынша, 1987 жылы туған ҚР МКК «Айбын» полкінің 0112 әскери бөлімінде жұмыс істейтін лейтенант полиция қызметкерін ұрды. Оқиға Астанадағы түнгі клубтардың бірінің жанында болған. Қолына алкогольді сусын ұстаған ер адам полицияның ескертуіне ашуланып, балағаттап, құқық қорғау органының қызметкерін жұдырықпен қойып қалған.
Содан кейін ол наркологиялық диспансерге жеткізілді. Оның масаң күйде болғаны анықталды.
Қазір лейтенант уақытша тергеу изоляторына қамалды. Оның үстінен ҚК 378 және 380-баптары бойынша іс қозғалды.
Ұқсас жаңалықтар