Алматыда тағы да жер сілкінісі сезілді

Алматыда тағы да жер сілкінісі сезілді

ТЖМ «Сейсмологиялық бақылаулар және зерттеулер ұлттық ғылыми орталығы» ЖШС сейсмикалық станциялар желісі 24 ақпанда сағат 04:58:53-те жер сілкінісін тіркеді. Эпицентрі Алматы қаласынан оңтүстік-шығысқа қарай 276 км жерде Қытай аумағында орналасқан. Қытайда афтершок болған. Алматы қаласында 3 балл болып сезілді. Зардап шеккендер мен қираулар туралы ақпарат болған жоқ. Жағдай тұрақты. ТЖМ азаматтарға сабыр сақтап, дүрбелеңге берілмеуге кеңес береді, - делінген хабарда. 

Айта кетейік, кеше, 24 ақпанда Алматыда екі жер сілкінісі сезілген болатын. Оның бірі сағат 10:08-де болса, екінші жер асты дүмпуі сағат 16:33-те тіркелді. Жер сілкіністерінің ошағы Қытай аумағында орналасқан.