Сәрсенбі елімізде телерадио хабар тарату тоқтатылады

Фото: kazteleradio.kz

Ұлттық спутниктік, эфирлік цифрлық және аналогтық телерадиохабар тарату жабдықтарында, сондай-ақ деректерді беру желілерінде жоспарлы профилактикалық жұмыстар жүргізіледі, деп хабарлайды Elordainfo.kz «Қазтелерадио» АҚ-ға сілтеме жасап.

Жұмыс бекітілген кестеге сәйкес 28 қаңтарда Астана уақыты бойынша сағат 03:00-ден 17:00-ге дейінгі аралықта жүргізіледі.

«Жұмысты жүргізу кезінде «OTAU TV» спутниктік теледидары, эфирлік цифрлық және аналогтық телерадиохабар тарату, сондай-ақ деректерді беру және телефония қызметтерін көрсетуде уақытша үзілістер болуы мүмкін», делінген хабарламада.

Еске сала кетсек, еліміздегі автожолдардың бойында тұрақты мобильді интернет пен байланысты қамтамасыз ететін телекоммуникациялық инфрақұрылым салынады.