Биатлоннан әлем кубогы: ерлер арасында өтетін жекелей жарысқа Қазақстаннан кімдер қатысады

Фото: olympic.kz

22 қаңтарда Чехияның Нове-Место қаласында биатлоннан Әлем кубогының кезекті кезеңі басталады, деп хабарлады Elordainfo.kz olympic.kz-ке сілтеме жасап.

Алғашқы жарыс күні ерлер арасында өтетін жекелей сайысқа Қазақстан құрамасынан үш спортшы қатысады. Ел намысын Владислав Киреев, Әсет Дүйсенов және Александр Мухин қорғайды.

Жарыс Астана уақытымен 22:15-те басталады.

Айта кетейік, бұл Әлем кубогы кезеңі 2026 жылғы Олимпиада ойындарының алдындағы соңғысы болмақ. Бұған дейін Владислав Киреев пен Әсет Дүйсенов Қазақстанның олимпиадалық құрамасына енген болатын.

Осыған дейін Милан-2026 Олимпиадасына баратын спортшылардың қаншалықты тәжірибелі екенін жазған едік.