Атырауда көпірден өзенге секірген қыз құтқарылды

Фото: 112 kz/Telegram

Бүгін 112 пультіне Атырау қаласында Жайық өзені үстіндегі жаяу жүргіншілер көпірінен қыздың суға секіргені туралы хабарлама түсті, деп хабарлайды Elordainfo.kz ТЖМ баспасөз қызметіне сілтеме жасап.

ТЖМ ақпараты бойынша, құтқарушылар өзен жағасында орналасқан бөлімшеден заманауи Marlin құтқару қайығымен дереу шыққан. Олар шамамен 4 км қашықтықты еңсеріп, оқиға орнына 4 минут ішінде жеткен.

«Құтқарушылар көпірден шамамен 800 метр қашықтыққа ағыс алып кеткен қызды байқады. Олардың бірі суға секіріп, қызды ұстап тұрды, ал әріптестері құтқару шеңберін лақтырып, екеуін де қайыққа көтеріп алды», - делінген хабарламада.

2011 жылы туған бойжеткен жағаға жеткізіліп, медицина қызметкерлеріне тапсырылды.