Ақтаудағы ұшақ апаты: Бразилияда қара жәшік деректерін саралау аяқталды

Фото: ТЖМ

6 қаңтарда Бразилияның авиациялық оқиғалар мен апаттардың алдын алу орталығы (CENIPA) 25 желтоқсанда Қазақстанда апатқа ұшыраған Embraer ұшағының «қара жәшігін» талдауды аяқтады, деп хабарлады Elordainfo.kz.

Тергеуге Қазақстан, Әзербайжан және Ресей елдерінің делегациялары қатысып, Бразилия әуе күштері (FAB) көмек көрсетті. Техникалық сарапшылар борттық жазғыштардан алынған деректерді сәтті тексеріп, оны Қазақстан тарабына табыс етті.

Қазақстан Республикасы Көлік министрлігінің мәліметінше, елге келген соң сарапшылар борттық жазғыштардан алынған деректерді дереу зерделеуге кіріседі.

Еске сала кетейік, Embryer 190 ұшағы 25 желтоқсан күні Ақтауда апатқа ұшыраған болатын. Апат салдарынан 38 адам қаза тауып, 29 адам жарақат алды.