Елорданың Байқоңыр ауданында жеке тұрғын үй өртеніп кетті

Фото: Canva
Елорданың Байқоңыр ауданында жеке тұрғын үй өртеніп кетті, деп хабарлады Elordainfo.kz ТЖМ баспасөз қызметіне сілтеме жасап.
«Түнде елордалық гарнизонның 112 пультіне Байқоңыр ауданындағы А. Сембинов көшесінде орналасқан үйлердің бірінің өртеніп жатқаны туралы хабарлама келіп түсті. Көрсетілген мекен-жай бойынша келген өрт сөндірушілер бір қабатты жеке тұрғын үйдің шатыры мен төбе жабынының өртеніп жатқанын анықтады», - делінген министрліктің хабарламасында.
Құрылыс арасында өртке қарсы арақашықтықтың сақталмағанына қарамастан, өрт сөндірушілер жалынды оқшаулап, үйге жанаса салынған шаруашылық мақсаттағы құрылыстарды өрттен қорғады.
Өрт сөндірілді. Зардап шеккендер жоқ.
Ұқсас жаңалықтар

17 қыркүйек, 2025
Мемлекеттік қызмет істері агенттігінде HR-қызметтеріне арналған Open Day өтті

17 қыркүйек, 2025
Астанада жаңа құрылыс кодексіндегі өзгерістер талқыланды

17 қыркүйек, 2025
Ұлттық ұлан су жаңа көліктермен вальс билеп, видеоға түсірді

17 қыркүйек, 2025
Елордада екі автобустың қозғалыс бағыты уақытша өзгерді