Елордалық мәслихат депутаттары бірқатар спорт мекемелерін аралады

Бұл туралы Астана қаласы мәслихатының төрағасы Табиғат Зейнұлқабден өзінің әлеуметтік желідегі парақшасында жазды, деп хабарлады Elordainfo.kz.

«Ревизиялық комиссияның көшпелі отырысы аясында Астана қаласының Дене шынықтыру және спорт басқармасына қарасты бірқатар мекемелерге барып қайттық.

«Жеңіс» спорт кешені, «Дәулет» ШЖҚ МКК және «Пригородный» тұрғын алабындағы «Аспан» спорт орталығында ұжымдардың еңбек жағдайымен және жас спортшылардың жаттығу барысымен таныстық»,- деп жазды Табиғат Зейнұлқабден.

«Дәулет» теннис орталығында 53 топ жұмыс істейді. Оның ішінде 1 инклюзивті топ ерекше қажеттіліктері бар балаларға арналған. Жалпы саны - 569 бала.

«Көшпелі жиын қорытындысында спорт саласындағы бірқатар түйткілді мәселелер талқыланып, жастарды спортқа тарту бағытында нақты ұсыныстар айтылды»,- деп жазды мәслихат төрағасы