Елордада Қонаев көшесінің бір бөлігі жабылады

Елордада  Қонаев көшесінің бір бөлігі жабылады
Фото: Оңалхан Өнерхан

Бұл туралы Астана қаласының әкімдігі мәлімдеді, деп хабарлады Elordainfo.kz.

«Жол-көлік инфрақұрылымын жақсарту мақсатында, сол сияқты жаяу жүргіншілер үшін қауіпсіздік пен ыңғайлылықтың заманауи стандарттарын ескере отырып, Қонаев көшесіндегі «Астана Опера» мемлекеттік опера және балет театрының жанындағы жер үсті жаяу жүргіншілер өткелін реконструкциялауды жалғастыру жоспарланып отыр», - деп жазылған хабарламада.

Фото: Астана қаласы әкімдігі

Осыған байланысты Астана ПД әкімшілік полиция басқармасының келісімі бойынша осы жылдың 19 ақпанынан 30 қазанына дейін Қонаев көшесінің Қабанбай батыр даңғылынан Тұран даңғылына дейінгі жол бөлігі жабылады. Бұл ретте автокөлік құралдарының қозғалысы іргелес Достық және Сарайшық көшелерімен қамтамасыз етілетін болады.

Елорда тұрғындары мен қонақтарынан қала жолдарындағы кептелістерді болдырмау мақсатында өз маршруттарын алдын ала жоспарлауды сұраймыз. Уақытша қолайсыздықтар үшін кешірім сұраймыз және жол-құрылыс жұмыстарының жүргізілуіне түсіністікпен қарауды сұраймыз.