Астанада жол үстінде жаға жыртысқандардың ісі сотта қаралды

Астана қаласының әкімшілік құқық бұзушылықтар жөніндегі  мамандандырылған ауданаралық сотында жолда төбелескен екі азаматқа қатысты іс қаралды, деп хабарлады Elordainfo.kz.

«Сот құқық бұзушы А.-ны ұсақ бұзақылық жасағаны үшін кінәлі деп танып, 10 тәулікке әкімшілік қамауға алу түріндегі әкімшілік жаза тағайындады. Азамат К. әскери қызметші болып табылады және оқиға қызметтік міндеттерін атқару кезінде болған, осыған байланысты сот оны кінәлі деп танып, тәртіптік жаза қолдану үшін іс материалдарын әскери қызмет атқару орнына жіберді. ӘҚБтК-нің 32-бабына сәйкес қызметтік міндеттерін атқару кезінде жасаған әкiмшiлiк құқық бұзушылықтары үшiн тәртiптiк жарғылар бойынша жауапқа тартылады», - деді Астана қалалық соты.

Қаулы заңды күшіне енген жоқ.