Астанада “Балаңа уақыт арна” акциясы өтті

AMANAT партиясының Астана қалалық әйелдер қанаты «Балаңа уақыт арна» акциясын ұйымдастырып, оның басты мақсаты отбасылық құндылықтарды нығайту болды, деп хабарлады Elordainfo.kz.

«Бүгінгі шараға 100-ден астам астаналық отбасы қатысты. Ең қуаныштысы – бұл жолы тек аналар ғана емес, әкелердің де белсенділігі ерекше байқалды», – деп бөлісті AMANAT партиясының Астана қалалық әйелдер қанаты төрайымы Салтанат Дженалаева.

Балалар мен ата-аналар үшін ең басты сый елорданың ірі сауда-ойын-сауық орталығындағы кинотеатрға шақыру болды. Көптеген отбасылар алғаш рет жиналып, бос уақытын бірге өткізді.

«Отбасы – қоғамның тірегі. Балалармен уақыт өткізу, ортақ қызығушылықтарды табу және бірге жарқын естеліктер қалыптастыру - өте маңызды. Осындай іс-шаралар бізге күнделікті қарбалас өмірге қарамастан, ең жақын жандарға көңіл бөлу керектігін еске салады», – деді С. Дженалаева.

Әйелдер қанатының төрайымы тең төрағалар және Гүлжамал Жапарова, Ләззат Разбекова, Динара Байсеркина, Динара Уразалина, Мадина Ажикенова, Алтыншаш Табулдина, Сәуле Самидин, Айгүл Рахимжанова сынды әріптестеріне, сондай-ақ осы бастаманы қолдаған барлық азаматтарға алғысын білдірді.

Оның айтуынша, отбасылық құндылықтарды нығайту бағытындағы жұмыс жалғасын табады, ал мұндай шаралар игі дәстүрге айналып үлгерді.