Астанада қазақ тазысын өсіретін аңшылық клуб марапатталды

Фото: NOMAD ұлттық аңшылық клубынан

Астанада қазақ тазысын сақтау және өсіру жөніндегі әлеуметтік жобаға қосқан елеулі үлесі үшін NOMAD ұлттық аңшылық клубының командасы қалалық әкімдіктің сыйлығымен марапатталды, деп хабарлады Elordainfo.kz.

NOMAD ұлттық аңшылық клубы – ұлттық аңшылық дәстүрлерін сақтауға және қазақ тазысын өсіруге құмар әуесқойлардың бірлестігі.

Клуб ұжымы мәдени мұраны сақтауға зор үлес қосып, осы ерекше тұқымды кеңінен насихаттауға белсене атсалысуда.

Астана қаласы әкімдігі атап өткендей, бұл марапат – ұлттық мұраны сақтау және тазы тұқымын дамыту жөніндегі қоғамдық қор белсенділерінің еңбегі мен қамқорлығы үшін табысталды.