iQala орталығында 7 айда 20 мыңнан астам қызмет көрсетілді

2020 жылдың басынан бастап 7 ай ішінде iQala қалалық қызметтер орталығы 20 000-нан астам қызмет көрсетті, деп хабарлайды Елорда Инфо орталықтың facebook желісіндегі парақшасына сілтеме жасап.   Бұл «Астана-АЭК» АҚ, «Астана-Теплотранзит» АҚ, «Астана су арнасы» МКК, «Clean city NC» ЖШС, «SPK Astana Development» ЖШС, «Астанаэнергосбыт» ЖШС, «Қазақтелеком» АҚ және т.б. ұйымдардың қызметтері. «Астана адалдык алаңы» жобасы аясында елорда әкімдігінің қолдауымен қала тұрғындарының ыңғайлылығы үшін iQalа қалалық қызмет көрсету орталығы құрылғанын естеріңізге саламыз. ⠀Елорда тұрғындары iQalа қалалық қызмет көрсету орталығының жұмысына қатысты кез келген сұрақ бойынша +7 (7172) 27 23 14 нөміріне хабарласа алады.