Мемлекеттік кірістер органдары жеке тұлғалардың аударымдарын әкімшілендіруді жоспарлап отырған жоқ

ҚР ҚМ Мемлекеттік кірістер комитеті кәсіпкерлік қызмет мақсатында жеке тұлғалардың банктік шоттарын әкімшілендіруге қатысты хабарламаны ресми түрде жоққа шығарады. WhatsApp мессенджерінде таратылатын ақпарат шындыққа сәйкес келмейді, деп хабарлайды Елорда Инфо комитеттің баспасөз қызметіне сілтеме жасап.

"Сонымен қатар Мемлекеттік кірістер комитеті кәсіпкерлердің бақылау-касса машиналары арқылы өз кірістерін көрсету міндеттемесін және жеке тұлғаларға тауарларды және қызметтерді сатып алу кезінде түбіртек алу қажеттілігін еске салады. Осылайша, сіз өзіңіздің азаматтық позицияңызды білдіресіз, заңды бұзуға мүлде төзбеушілік танытасыз және өз құқықтарыңызды қорғай аласыз", - делінген ақпаратта.