Дүниежүзілік банк әлем экономикасына қатысты болжам жасады

Бірақ сарапшылар оның бірқатар мәселеге тәуелді екенін айтады. Мысалы, коронавирус індетінің таралуы жалғасып, халықты вакциналау жеделдетілмесе, даму 1,6 процентке қысқаруы мүмкін. Індеттен миллиондаған адам кедейленгендіктен экономикалық белсенділік те төмен болмақ. Ал ресми дерекке қарағанда өткен жылы әлем экономикасы 4,3 процентке төмендепті. Мамандар бұл 1945-ші жылдан кейінгі ең үлкен құлдырау деп отыр. Ол кезде әлем экономикасы 9,8 процентке қысқарған екен. "Биыл әлемде экономиканың дамуы қайта жандануы тиіс. Егер дамыған елдерде оның деңгейі 3,3 процент болса, дамушы елдерде 5 процентке жетеді деп болжап отырмыз", - деді ДБ-ның Әділ даму және қаржы жөніндегі вице-президентінің міндетін атқарушы Айхан Косэ.