ДСМ жаңа жыл күні карантиндік талаптар барынша сақталуы керектігін хабарлайды

Жаңа жылдық мерекелер қарсаңында вице-министр коронавирустың алдын алу шараларын сақтауға шақырды: * халық көп жиналатын орындарға бармау; * ұжымдық іс-шараларды, ертеңгіліктерді, корпоративтерді өткізбеу және қатыспау; * ағзаның салқындауына жол бермеу; * қауіп-қатер тобындағы таныстар мен туыстарға қауіп төндірмеу, қарым-қатынас жасау және құттықтау үшін заманауи қашықтан байланыс құралдарын пайдалану. «Жаңа жыл – отбасылық мереке. Мерекені туыстарыңызды, достарыңыз бен таныстарыңызды шақырмай-ақ, бірге тұратын жұрт өзара атап өтуге шақырамын. Құрметті қазақстандықтар, назарларыңызды тағы да пандемия әлі жалғасып жатқанына, вирус жойылмағанына аударғым келеді. Әрбір адам жағдайға барынша жауапкершілікпен қарап, басқаларға жұқтырмау және міндетті түрде бетперде кию, әлеуметтік қашықтық және гигиена талаптарын сақтауы қажет», - деп толықтырды М.Шоранов.