Мектептің 9-11-сынып оқушылары аралас форматта білім алады – Аймағамбетов

Сөз арасында мектеп оқушыларына қандай пәндер ден қойылатынын түсіндіріп өтті. «Ең алдымен бірыңғай ұлттық тестілеу мен қорытынды аттестацияға қажетті пәндер болады. Яғни, математика, қазақ тілі, орыс тілі, шет тілі, физика, химия, биология, алгебра, геометрия және тағы басқалары. Бұл пәндер бірінші кезекте дәстүрлі форматта оқытылады. Ал қалған пәндерді қашықтан оқуға қалдырамыз», - деді Асхат Аймағамбетов. Оффлайн форматта оқытылғанмен, карантиндік шараларға айрықша мән берілетіні белгілі болды. «Бір кабинет, әртүрлі уақытта үзіліс, әлеуметтік қашықтық. Барлық керек шаралар қадағаланады. Санитарлық талаптар сол күйінде қалады. Біз Білім және ғылым министрлігі ретінде балалардың дәстүрлі оқуын жалғастырғанын қалаймыз. Бірақ санитарлық нормалар бар», - деді ол.