ҰЭМ: Қызмет көрсету саласының қалпына келуі жалғасуда

Осылайша, оның айтуынша, есептік кезеңде Қазақстан экономикасында келесі үрдістер байқалуда. Құрылыс саласы жоғары өсуді және өңдеу өнеркәсібі салалары серпінді өсуді көрсетуде. Қызмет көрсету секторында іскерлік белсенділік жақсаруда, сондай-ақ ұзақ пайдаланылатын тауарларға сұраныс қалпына келе бастады. Нақты сектордың өсуі 2%-ке дейін жеделдеді. Қызмет көрсету саласының өсу қарқыны минус 5,9%-ке дейін жақсарды. Нәтижесінде, ЖІӨ-нің өсуі минус 2,8% деңгейінде қалыптасты. Жылдық инфляция 7,3%-ті құрады. «Динамикалық жақсарудың базалық факторлары – өндіруші емес секторларға тартылған инвестициялар, экономиканы кредиттеу, нақты сектордың өсуі және қызметтер саласының жандануы, сондай-ақ экономиканы қолдау бойынша іске асырылып жатқан шаралар болып табылады», - деді ҰЭМ басшысы. Өңдеу өнеркәсібі салаларында серпінді өсу сақталуда. Фармацевтика – 39,5%, жеңіл өнеркәсіп – 15,5, машина жасау – 16,4, оның ішінде автомобиль жасау – 52,6% деңгейінде жоғары өсу қарқынын көрсетіп отыр. «Қарашаның көрсеткіштері қызмет көрсету секторының жанданғанын көрсетті. Атап айтқанда, сауда 17,1%-ке, ойын-сауық және демалыс – 17%, техникалық қызмет – 15,9%, тұру және тамақтану бойынша қызметтер – 10,5%, білім беру – 7,6%, байланыс – 4,5%, техника мен бұйымдарды жөндеу – 3,5%-ке ұлғайды. Осылайша, қызмет көрсету саласының қалпына келуі жалғасуда», - деді Руслан Дәленов Үкімет отырысында.