Елорда тұрғындарына астық жинайтын комбайндардың жаңа үлгілері көрсетіледі

ашық дереккөз

Елорда тұрғындарына тракторлардың, камаз көліктерінің және астық жинайтын комбайндардың жаңа үлгілері көрсетіледі, деп хабарлады Elorda.info.

12-14 қазан аралығында Орталық Азиядағы ең ірі ауыл шаруашылығы көрмесі – KazAgro/KazFarm – 2022 өтеді.

«ExpoGroup» халықаралық көрме компаниясы Қазақстанда жыл сайын әртүрлі елдердің 300-ден астам агроөнеркәсіптік компаниясын біріктіретін көрмелерді 10 жылдан астам уақыттан бері өткізіп келеді. Биыл көрмелерге әлемнің 20-дан астам елінен компаниялар мен ұйымдар қатысады.

12 жыл қатарынан өтетін көрмеде астық жинайтын комбайндар, трактор техникасы және өздігінен жүретін шөп шабатын машиналар көрсетіледі.

Сондай-ақ көрмеге бірқатар қатысушы өздерінің жаңа өнімдерін ұсынады.

#көрме