Алтай Көлгінов мұғалімдер мен оқушыларға сыйлықтар табыс етті

ашық дереккөз

«Оқушылардың білімді болып қалыптасуы мен олардың жетістіктері мұғалімдер мен ата-аналардың еңбегі арқылы келеді. Бұл еңбек бағалануы керек. Бүгін дарынды оқушыларға түрлі олимпиадаларда, соның ішінде халықаралық білім бәсекелерінде жүлделі орынға ие болғаны үшін 100 мың теңге көлемінде сертификаттар, ал мұғалімдерге сыйақы мен ноутбуктер табыс етілді», — деп жазды әкім.

Әкім өз сөзінде әр оқушының сүйікті пәні болатыны, біреуі математика мен физиканы ұнатса, енді бірі биологияны оқитынын, әдебиет, география, химия сияқты пәндерді жанына жақын көретіндер де табылатынын қозғап өтті. «Жоғары сынып оқушылары болашақ мамандығын таңдап та үлгерген. Оқушылардың бәріне оқуда табыс, зор денсаулық және бақыт тілеймін! Мемлекет тарапынан жағдай жасалып келеді. Мектептер салынып, балалар орталықтары мен үйірмелер ашылып, мұғалімдердің еңбекақысы кезең-кезеңімен көбейтіліп келеді. Педагог мәртебесі туралы заң қабылданды. Биыл наурыз айынан бастап оқушылар үшін қоғамдық көлікте жол жүру тегін. Балалар қолдаусыз, қорғаусыз қалмайды», — деді Алтай Көлгінов. [caption id="attachment_52661" align="alignnone" width="834"] Фото: Александр Куприенко/Elorda Aqparat[/caption]