Елімізде орташа жалақы мөлшері қандай

2022 жылғы II тоқсанында Қазақстан Республикасы бойынша атаулы жалақының орташа мәні 312 011 теңгені құрады. 2021 жылдың тиісті тоқсанына қарағанда өсім 24%, нақты мәнде – 8,9% құрады. Жалақының медианалық мәні (жалақы қатарының орталық деңгейі) 2022 жылғы II тоқсанда бағалау бойынша 196 728 теңге болды, - деп жазылған хабарламада.

Бір жылда жалақы әсіресе құрылыста (35,5%), еңбекақы көлік және қоймаға орналастыру саласында (34,8%), тау-кен өндіру өнеркәсібі және карьерлерді қазу саласында (28,3%) өскен. Ал жалақының ең аз өсімі денсаулық сақтау және халыққа әлеуметтік қызмет көрсету саласында байқалады.